Şaredarîyêka Parisî posterê Sara, Rojbîne û Ronahî daliqnayî

Şaredarîya 10. ya Parisî posterê Sara, Rojbîne û Ronahî daliqnayî ke hîrê cinîyê kurdî 9ê çeleyê 2013î de Paris de ameybî qetilkerdene.

Şaredarîya 10. ya Parisî serrgêra qetilkerdişê înan de posterê Sara (Sakîne Cansiz), Rojbîne (Fîdane Dogan) û Ronahî (Leyla Şaylemez) bînaya xo de daliqnayî. Hîrê cinîyê kurdî 9ê çeleyê 2013î de Paris de ameybî qetilkerdene.

Posterî hetê ressame Zehra Dogan ra ameyî xêzkerdene. Serê posteran de zî wina nusîyeno: ''Leyla, Sakîne, Rojbîne... Milîtanê ke 9ê çeleyê 2013î de Paris de ameyî qetilkerdene. Sûco ke bêceza mendo!''