Şaristanê Ciudad Juarezî yê Meksîka de çar cinîyê ke barêke de xebitîyayêne hetê di kesanê çekdaran ra ameyî qetilkerdene.

Ciudad Juarez eyaletê Chuhuahuayî yo ke sînorê DYA de yo. Serranê 1990î ra nata nê şaristanî de şîdetêko pîl esto. Zaf cinîyî zî tede bi seyan kesî şaristan de ameyî qetilkerdene. Goreyê dozgerîya herême di kesanê çekdaran roja sêşemeyî serê sibayî şîyî bar û çar cinîyî qetil kerdî. Muşterîyê barî serebût de birîndar nêbîyî. Meksîka de emser mabênê menganê Çele û Êlule de 727 cînayetê cinîyan hetê kesan ra ke  cigêrayoxan ê sey femînîsîdeyî eşkera kerdî ameyî kiştene. Deman wextî de tewr tay 50 hezar cinîyan pare kerd ke ê bi zanayîşî ameyî birîndarkerdene. Goreyê doneyanê fermîyan Meksîka de her roje 10 cinîyî yenê qetilkerdene û kiştoxan rê ceza nêna dayene. Amerîkaya Latîne de heta nika 15 welatî sucê femînîsîde qebul kenê.