Şaristanê Duisburgî yê Almanya de şîdetê vera cinîyan bi çalakîyêke ame protestokerdene. Çalakîya ke hetê Meclîsê Cinîyan ê Asya Yuksel ra ame serûberkerdene bi deqayêkê rêzgirewtişî dest pêkerd.

Çalakîye de alayê Têgêrayîşê Cinîyan ê Kurdan ê Almanya (TJK-E) û pankartê vera şîdetî ameyî akerdene. Nameyê Meclîsê Cinîyan ser o Amara Tolhildan qisey kerd û îfade kerd ke menga tebaxe de 28 cinîyî hetê camêrdan ra ameyî qetilkerdene û 23 cinîyî zî bi hawayêkê şikdarî merdî. 

Meclîsê Cinîyan ê Şehîde Asya Yuksel 4 mengan de çalakîya hewteyê 15. serûber kerde. Qiseykerdişê TCŞyî ra dima çalakîye bi sloganan qedîyaye. 

Çalakîye de veng ame dayene ke cinî û ciwanî 12ê êlule de saete 14:00 de Dusseldorf te wa tewrê rayraşîyayîşê seba Rayberê Şarê Kurdî Abdullah Ocalanî bibê.