Têgêrayîşê Azadîye yê Cinîyanê Êzidîyan (TAJÊ) çarçewa xebatanê 8ê Adare Roja Cinîyan a Dinya de merkezê Şingalî de afîşî daliqnayî.

Cinîyanê ke kincê herêmîyî dayî xo ra bi kuwayîşê erbaneyan merkezê bajarî de semedê 8ê Adare veng da û xeylêk nuqtayan de afîşî daliqnayî. Cinîyî şîyî xeyma çalakîya nobete ya Asayîşê Êzidxanî zî. Çalakwanan sloganê seba Rayberê Şarê Kurdî Abdullah Ocalanî û mucadeleyê azadîye yê cinîyan eştî. Çalakîya afîşan do hîrê rojî Şingal û dewanê ci de dewam bikero.

.