Şingal de serkêşîya Têgêrayîşê Cinîyan ê Azadan ê Êzidîyan (TAJÊ) bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan a Mîyanneteweyîye rayraşîyayîş ame organîzekrdene.

YJŞ, TAJÊ, temsîlkarê rêxitinanê cinîyan û partîyanê sîyasîyan û xeylêk cinîyî tewrê rayaşîyayîşî bîyî. Rayraşîyayîşo ke merkezê bajarî de dest pêkerd de sloganê vera şîdetî û pîlkerdişê têkoşînê cinîyan ameyî eştene. Dima ra eşkerayîye ameye dayene. Endama Koordînasyonê TAJÊ Rîhame Hiçoya ke eşkerayîye daye nê vatî: ''Cinîyî têna ewro nê tim raştê hêrişî yenê. Şîdet zafhetin o. Hem fîzîkî hem zî psîkolojîk o. Her ca de cinîyan rê şîdet yeno kerdene. Vera şîdetî ganî heme dinya de cinîyî têkoşînê hemparî bikerê.''