Gerîlaya YJA-Starî Nuruhane Dundar (Goksune) serra 2012î de prosesê Şerê Şarê Şorişgêrî de tewrê gerîlayan bîye.

Dundara ke serê xorinbîyayîşê felsefeya azadîya cinîyan a Rayberê Şarê Kurdî Abdullah Ocalanî ciwîyaye pêro cuya xo ya gerîlatîye de embazanê xo rê bîye mîsale, gerîlayêka serkêşe û fermandarêke.

Dundare pêro wezîfeyê xo bi xîret û mesuldarîyêka pîke ardî ca û bîye cewabê komelî yê seba têkoşînê cinîyan.

Seba aye Botano ke yewîna verêne ya gerîlayanê cinîyan tede ronîyaye, cîya bîye.

Gerîlayê cinîyî koyanê Botanî de ke têkoşînê tewr pîlî tede dîyayî, raştê zehmetan ê pîlan ameyî. Înan vera hîşmendîya feodale û pederşahîye têkoşînêko bêmabên da û pê îrade û hêzê xo îmtîhanêko çetin da.

Gerîla Goksune serra 2016î de verê xo da Botan.

Her gama xo ya ver bi Botanî de rêçê têkoşîn û xoverdayîşê cinîyan xo rê kerd pusula û ver bi ameyoxî şîye.

Gerîla Goksuna ke koyanê Herekolî de bi kedêka pîle bîye wayîra pratîkêkê bihêzî, heta şehadetê ci serra 2019î tewiro milîtanî xo rê kerd esas.