Şerwana YPJyî Hewlêre Hêvî bi wesîleya serra newîye ya şorişî destkewteyê Rojawanî ercnayî. Hêvî vist vîrî je seba Şorişê Rojawanî zaf bedelî dîyayî û seba wayîrvejîyayîşê ci zî ganî pêro partîyî bi ruhê yewîya neteweyîye têbigêrê.

Hewlêre Hêvî ard ziwan ke înan serrêka pirrê têkoşînînî peyê xo de verdaye û da zanayene ke Şorişê Rojawanî bi keda Rayberê Şarê Kurdî Abdullah Ocalanî û şehîdan resa asta nikayêne.

Hêvî vat: ''Şorişê Rojawanî tarîxê Kurdîstanî de wayîrê cayêkê girîngî yo. Hêzê serdestî Şorişê Rojawanî xo rê sey tehluke vînenê coka hêrişê ci kenê. Wextê Xoverdayîşê Modernî de artêşa tirke ya îşxalker û Erdogan verê çimanê pêro dinya de pê xoverdayîşê şerwanan bîyî rezîl. Kurdan vera nînan xo ver da û têkoşîn kerd. Xoverdayîşê şar û şerwanan no şoriş aferna. YPJ û YPG têna hêzê leşkerî nê artêşê şarê ma yê.''

Hêvî xîretê hêrişî yê PDKyî zî ercnayî û seba yewîya neteweyîye wina veng da: ''Ganî PDK kiştişê way û birayanê xo ra fek vera bido. Ganî PDK nêbo hemkarê dewleta tirke ya îşxalkere.Sey şerwanan ma venga pêro partîyanê kurdan danê ke bi ruhê yewîya neteweyîye têbigêrê.''

Hêvî bale ante tecrîdê vera Rayberê Şarê Kurdî ser û pare kerd ke heta ke tecrîd biqedo ê do têkoşînê xo dewam bikero.