Hemşaredara verêne ya Dêrsimî Nurhayate Altuna ke Zîndanê Kandira de tepişîyena bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan mesajêk şawit.

Altune mesajê xo de bi kilmî wina vat:

''Ma yewna 25ê Teşrîna Peyêne netîceya faşîzmê serdestîya camêrdan a vera cinîya  de zîndan de pêşwazî kenê. La zerrîya ma teber de hetê embazanê xo yê cinîyan reyde gulp dana ke vera îqtîdarê faşîst û camêrdî xo ver danê.

Vera cinîya şerêko bêname esto. Na hişmendîya camêrdan her roje vera cinîyan şîdet kena. Ma sey cinîyan ê kurdan pê hêzê xeta xo ya azadîya cinîyan bi serran o vera sîstemê camêrdan têkoşîn kenê. Coka netîceya tedayanê vera partîya ma de verî cinîyî maruzê polîtîkayanê şîdetî bîyî. Ma her ca kenê warê têkoşînê vera nê sîstemî. Heta ka ma sey cinîyan xo rêxistin bikerê no sîstem zî do qels bibo û çin bibo.

Ez sey cinîya na cografya ewro pêro embazan ê cinîyanê ke vera faşîzmî têkoşîn kenê selam kena. Ez bi wesîleya na roje venga pêro embazan ê cinîyan danê ke wa yew bibê û hêzê xo z3i bikerê yew! Nika wext wextê yewî yo.

Ma 25ê Teşrîna Peyêne ya 2021î bikerê roja yewkerdişê têkoşînê vera hişmendîya camêrdan!''