Tepişteya sîyasî ya kurde Zeynebe Celalîyan 17 serrî yo zîndananê Îranî de tepişîyena û ci rê cezaya muebede dîyaya.

Wezîrîya Enformasyonî ya Îranî Zeynebe rê qedexe kerd ke keyeyê xo bivîna. Zeyneba ke Zîndanê Yezdî de tepişîyena, çar serran ra nata rayêke keyeyê xo dî.

Goreyê Torra Heqanê Merdiman a Kurdîstanî Zeynebe Celalîyan destpêkê hewteyî de seba pêvînayîşê keyeyî muracat kerd la selahîyetdaranê zîndanî pare kerd ke bi fermanê wezîrîye zîyaretê keyeyî ameyo qedexekerdene. Keyeyê Zeynebe naye ser o Yezdî ra agêra Maku.

Zeynebe hewteyê vîyarteyî de wedarîyaye nêweşxaneyî, rixmê îtîrazan zî ci rê tedawîya bi kelemçeyan amebî ferzkerdene. Seba ke Zeynebe no qebul nêkerd a nêameye dermankerdene.