Amed de aktîvîstanê Platformê Cinîyan ê Amedî yê Dîcle (DAKP) û Têgêrayîşê Cinîyan ê Azadan (TJA) cinîyan ê tepişteyan rê kartî erşawitî û bi nê hawayî startê bernameyê 25ê Teşrîna Peyêne Roja Têkoşînê Vera Şîdetê Serê Cinîyan da. Cinîyan çalakîya xo ra verî taxa Ofîsî de eşkerayîye daye û pankarta bi nuşteyê 'Cinîyî ameyoxê komelî yê' akerdî. Vervatoxa DAKPyî Nîhale Yanik eşkerayîye wende.

Nîhale eşkera kerd ke şîdetê vera cinîyan dewam keno û cinîyî maruzê destbendkerdiş, tepiştiş, îşkence û tedayan manenê. Nîhale da zanayene ke Tirkîya hetê kalîteya cuye ya seba cinîyan ra dinya de mîyanê 167 welatan de 114. ya û goreyê raporê Têdûştîya Cînsî ya Globale ya Forumê Ekonomîkî yê Dinya mîyanê 153 welatan de  130. ya.

Eşkerayîya cinîyan de ame parekerdene ke ê do Peymana Îstanbulî û pêro destkewteyanê xo bipawê, têkoşîn û xoverdayîşê xo ra fek vera nêdê.

Eşkerayîye bi slogananê sey 'Cinîye, Cuye, Azadîye' qedîyaye. Dima aktîvîstan cinîyan ê tepişteyan rê kartê 25ê Teşrîna Peyêne erşawitî.