Qezaya Baglarî ya Amedî de cinîyêka bi nameyê Handane Altuntaş (25)  
Kayapinarî de zî   cinîyêka bi nameyê  Bahare Akdemîr (17)  bi hawayêkê şikdarî merdî.

21ê kanûne de taxa Mevlana Halîtî ya qezaya Baglarî ya Amedî de cinîyêka bi nameyê Handane Altuntaş bi hawayêkê şikdarî wefat kerde. Ame îdîakerdene ke Altuntaşa ke zewijnayîye û dadîya di domanan a banyoyê keyeyê xo de xo kişt. Meyîtê Altuntaşe ame berdene bi morgê nêweşxaneyî.

Heman roje Amed de mergêko bîn o şikdar ame meydan. 21ê kanûne de taxa Talaytepe ya qezaya Kayapinarî ya Amedî de verê sîteyê Kooperatîfî de meyîtê Bahar Akdemîra 17 serre ameye dîyene. Ame îdîakerdene ke Akdemîre xo kişt û rîyê ci hetê kutikan ra ame parçekerdene.