Bi serkêşîya Şaredarîya Bajarê Girdî ya Amedî, Akademîya Sînema ya Rojakewtena Mîyanêne û Akademîya Sînema ya Mezopotamya Rojê Fîlman ê Cinîyan ê Gêrayoxî dest pêkenê. Rojê Fîlmî yê ke do 13’ê Temmuze de dest pê bikerê, 19‘ê Temmuze de do biqedîyê. Rojê Fîlmî do qezayanê Amedî Merkez Sûr, Baglar, Yenîşehîr, Kayapinar, Karaz, Gêl, Pîran, Çinar, Hezro, Erxenî, Farqîn, Licê, Pasûr û Bismil de bireso temaşekaran. Rojanê Fîlman ê Cinîyan ê Gêrayoxan ke her roje yeno plankerdene di qezayan de bêro organîzekerdene de do fîlmê “Sîbel” ê Çagla Zencîrcî û Guilloume Glovanettîyî, “Borç” ê Vûslat Saraçoglûyî, “Nefesîm Kesîlene Kadar” ê Emîne Emel Balci û fîlmê “Guvercîn” ê Banû Sivaci biresê temaşekaran.

 ‘Amacê Ma Cinîyan dir Viraştişê Torê Têkilîye yo’

Endamê Qismê Hunerî yê Akademîya Sînema ya Rojakewtena Mîyanêne Sîdar Aslanî vat, her roje do di qezayan de fîlmî biresê temaşekaran û amacê înan resayîşê bi cinîyan ê ê cayan o. Aslanî vat, “Ma bi aktîvîteyanê winayênan fîlmê ke hetê dîrektoran ê cinîyan ra ameyê viraştene resnenê cinîyan û bi nê hawayî hîna zaf yenê temaşekerdene. Gama ma ewnênê muhtewaya nê fîlman ra problemanê cimatkîyan ser o vindenê û bi çimê cinîyan ameyê viraştene. Cinîyê ke qezayan de ciwîyenê îmkanê înan ê temaşekerdişê fîlman çino. Ma do nê fîlman biresnê ê cinîyan û îmkanê temaşekerdişî bidê înan.”