Amed de 8ê Adare de bi şîarê ‘Ma qirkerdişê cinîyan ver de sere wedarnenê, ver bi azadîye şinê’ saete 11.00 de Meydanê Îstasyonî de mîtîngêk do bêro kerdene.

Sereka Komîteya Amadekarîya Mîtîngî Necla Korkmaz derheqê babete de ANFyî rê qisey kerd.

Necla pare kerd ke nînan startê 8ê Adare cara 10ê sibate de dabî. Necla bale ante mîtîngê Amedî ser û vat: ‘’Seba pawitişê heqanê cinîyan ê ke çin hesibîyenê û înkar benê ma do meydanan de bibê. Ma do waran de waştişanê xo biqîrê. 

Ma wazenê ke pêro cinîyan reyde, rayraşîyayîşê azadîye de Amed de biqîrê û vengê xo bidê eşnawitene. Cinîyî seba ke waştişanê xo yê azadîye biqîrê do meydanan de bibê. Ma sey cinîyan wayîrê ê hêzî ê ke hem haştîye hem zî wisarî bîyarê.’’