Senatoyê Arjantînî de badê pêvînayîşê 12 saetan rixmê vervejîyayîşê Dêrê Katolîkan, heqê kurtajî sey qanûnî ame qebulkerdene.

Arjantîn welato pîlo verên ê Amerîkaya Latîne yo ke heqê kurtajî beno qanûnî. Kurtaj Amerîkaya Latîne de Kuba, Urugay û tay bajaranê Meksîka de qanûnî yo. Elsalvador, Honduras, Nikaragua û Haitî de qedexe yo. Rêxitina Çimdarî ya Heqanê Merdiman vat welato gird sey Arjantînî de qebulkerdişê nê qanûnî semedê mucadeleyê cinîyan ê Amerîkaya Latîne gama pîl a.