Sedat Avşaro ke 30 serran ra nata tepişte bi, Zîndanê Dîlokî ra vera dîya.

Avşar hetê keyeyê xo, merdimanê xo ra, îdarekaranê DEM Partî, DBP û TJA ra ame pêşwazîkerdene. Dima Avşar keyeyê xo reyde ver bi qezaya Bismilî ya Amedî kewt rayîr.

Sedat Avşar 1995 de qezaya Kuşadasi ya Aydinî de amebi destbendkerdene û dima erşawiyabi Amedî. Avşar Mehkemeya Asayîşê Dewlete de amebi muhamekerdene û cezaya muebede dîyabî ci. Avşar zîndananê Amed, Çankiri, Yozgat, Sêrtî de mend û tewr peyên Zîndanê Dîlokî ra vera dîya.