Fermandaranê YPJ'yî ra Axîn Nûcane hêrişanê îşxalkaran ê dewleta Tirkî yê verba Vakur û Rojakewtena Sûrîye sey îşxalkarîya vera şaran dana zanayene ke 9'ê Teşrîna Verêne de dest pêkerd. Nûcane vat, "No qirkerdişêk o, dûrfinayîşê şarê ma wareyê xo ra yo, vurnayîşê demografîyê herême yo.

Nûcanê bale ante xoverdayîşê Rojawanî ser û va: ''Şervananê ke oxirê azadîye de xo ver danê û canê xo feda kenê, ma nê embazî xo vîrî ra nêkenê û embazanê xo yê birîndaran ra şîfa wazenê. Na roja 11'ine ya ke Serêkanîyê de xoverdayîşêko tarîxî qewimîyeno. No xoverdayîş, xoverdayîşo diyîn ê Kobanê yo. Ma mînetdarê xoverdayoxanê rûmetî yê. Na îşxalkarîya dewleta Tirkî îşxalkarîya verba îradeyê şaranê pêroyînan a. Çunke herême de têna Kurd ney, zafê şarê cîyayî estê. Êyê ke vanê ma wayîrê rûmetî yê ganî verê xo bidê Serêkanîyê. Armancê na îşxalkarîya Tirkî dûrfinayîşê şaranê wareyê xo ra yo. Qirkerdiş û vurnayîşê demografîyî o. Îşxalkarîya Tirkî şexsê Erdoganî de wazena Împaratorîya Osmanî na herême de newe ra saz bika. No têna planê Erdoganî nîyo.

Erdogan senî ma rê vano terorîst? Hêzê ma şar reyde verba DAÎŞ'î şer kerd, ewro şîyo Erdoganî reyde verba ma qerarî gênê. Ewro domanê ke Serêkanîyê de şehîd benê senî terorîst ê? Ma tewirê cinîyan û pêroyê dinya yê ke paşt danê Xoverdayîşê Rûmetî, ci rê silam kenê û ganî verba na îşxalkarîya serê şaran tewirî xurtêr bibê. Seba ke pênaskerdişê xoverdayîş û têkoşînê YPJ û QSD'yî asan nîyo. Nika pêroyê şervanê ma wazenê Serêkanîyê de xo ver bidê, şorê Serêkanîyê. Roja ke şoriş dest pêkerdo ra heta nika hêzê YPJ'yî bi ruhê rayberîye pêroyê cayan de tewrbîyayîşêko xurt danê kerdene. Embazê ma nika Serêkanîyê de verba merdişî huyenê. Vanê 'ma serkewtişî ra teber çîyêk nêfikirîyenê.' No pabesteyê felsefeya cuya azade û bîyayîşî yo."