Wekîla HEDEPî ya Riha Dîlane Kunt Ayana ke ANFyî rê qisey kerd, bale ante xoverdayîşê cinîyan ê kurdan ser û vat ê do her ca de bê  û têkoşînê xo bidê domnayene.

Ayane bale ante polîtîkaya şerê taybete ya îqtîdarê tirkî yê vera cinîyan ser û  nê vatî: ''Cinîyan rê fuhuş û ajankerdiş yeno ferzkerdene, hetê biunîformayinan ra şantaj yeno kerdene. Nê pêro eslê xo de şero taybet o. Vera cinîyan ê xoverdayoxan ê kurdan polîtîkayê winayênî yenê caardene. Bitaybetî vera vîjnayoxan, mesela vera dezgehanê sey DOKH, KJA, TJA ra ma zanê. Cinîyê kurdî yê  ke nê warî de xebityenê raştê tacîzê hukmî yenê. Bi destê hukmî kenê ke verê cinîyan ê xoverdayoxan bîgêrê.

Cinîyê rêxistinkerdeyî, yê ke hêzadar kenê û vera şîdetî vindenê yenê cezakerdene. Bi hepskerdişî wazenê verê cinîyan bîgêrê. Mesela cezaya 30 serran dîyaye Ayşe Gokkan. Eslê xo de no mesajêk o. Wazenê bi nê zextan cinîyan bitersnê la cinîyê kurdan ne peyser game erzenê ne zî rêxistinbîyayîşî cavedenê.  Ma têkoşînî canêverdenê, ma her ca de yê, ma do her ca de bê.''