Derheqê Hemsereka Pêroyî yê Partîya Herêman ê Demokratîkan (DBP) Salîha Aydenîz de rîyê xebatanê KCDyî ra bi îdîya endamîya rêxistine dewa amebî akerdene. Roniştişê 8. yê dewa Mehkemeya Cezaya Girane ya 10. ya Amedî de ameye kerdene.

Roniştişo ke Aydenîze tewrê ci nêbîye avûkatê ci Cemîle Turhali Balsak tewrê ci bîye. Dosya de ca dîya îfadeyê şahîdê mîyanî. Avûkate Balsak bale ante qerarê emsalî ke derheqê Parlamenterê CHPyî Enis Berberogluyî de amebi girewtene ser û  waşt ke seba ke destnêpadayîşê parlamentere Aydenîze esto wa hukmkerdiş bêro vindarnayene.

Dozgerî derheqê Salîha Aydenîz de 7 serran ra heta 15 serran cezaya hepsî waşte. Heyetê mehkeme waştişê vindarnayîşê hukmkerdişî bi behaneyê ''sûc'' verê wekîlîye ameyo kerdene red kerd û roniştişo bin 26ê adara 2021î rê peyde eşt.