Endama Koordînasyonê PAJKî Aytene Dêrsim Bernameyê Taybetî yê Medya Haber TV de tecrîdê serê Rayber Apoyî û têkoşînê vera nê tecrîdî û 25ê Teşrîna Peyêne Roja Têkoşînê Vera Şîdetê Serê Cinîyan a Dinya ercna. Qiseykerdişê Aytene Dêrsim ra qismêk wina yo:

''Tecrîdê serê Rayberîye bi tewirekê zaf sîstematîkî, bi îşeknce zulum û zextî yeno rayraberdene. Netîceyê têkoşînê ma de hukmat, îqtîdar û dewlete mecbûr mendê ke pêvînayîşêkê keyeyî kerd. Xora ma pêro zanê ke no netîceya xoverdayîşî de bi. Ma selamê Rayberîye girewtî. Rayberîye cewab da nunaqeşeyanê hêzanê hukmat û îqtîdarî. Ganî terîd cade bêro wedaritene.  Ewro çîyo ke beno caardişê faşîzmî yo. Hetêkî ra veng danê, hetê bînî ra tecrîdî danê dewamkerdene. Ganî Rayberîye avukatanê xo reyde, têgêrayîşê xo, hêzanê sîyasîyan, merdimanê zaneyeyan, rêxistinanê komelê sîvîlî reyde pêvînayîşan bikero. Wina tecrîd yeno wedaritene.Ewro çîyanê bitehlukeyinan vanê. Ganî ma hîşyar bê. Heta azadbîyayîşê Rayberîye ganî ma her ca de payan ser bê. Înan bi xo tecrîd îtîraf kerd. Wezîfeyê ma yo ke ma tecrîdî wedarê.

Înan vat wa Rayberîye bêro meclîs. Rayberîye zî vat o sey vizêrî ewro zî semedê çareserîye hazir o.Têgêrayîşê ma zî vat ma hazir ê. La desto ke ame dergkerdene yeno înkarkerdene. Ma têgêrayîşê azadîye yê. Rayberîye vat 'heta ke cinî azad mebo, komel nêeşkeno bibo azad.' Ewro yeno waştene ke îdeolojî, felsefe û fîkrê Rayberîye binê tecrîdî de bêrê tepiştene. Tecrîd, îşkence û şero taybeto ke vera Rayberîye yeno caardene vera cinîyan yeno caardene. Seba ke PKK fîkrê xo pratîk de ana ca hetê şaran ra wina yeno qebulkerdene. PKK ewro bîyo îradeyê şaran. Bi înkarkerdişî nêeşkeno werte ra bêro wedaritene.

Heme welatan de cinîyî raştê şîdetî yenê. Îran de polîtîkaya îdamî est a. Pancas serrî yo ma bi felsefeyêke têkoşînî rayra benê. No tewr zaf Rojhelatê Kurdîstanî û Îran de bi komelkî. Heme dinya bi kurdkî rayra şîye. Bi Jin Jiyan Azadî rayra şîye. No şorişêk o. Şoriş tim newetîye wazeno. Şoriş enerjîyêk o, cuye ano pê. Kulturo demokratîk o. Ganî heme cinîyê dinya ke demokrasî û haştîye wazenê vera şîdet, îşkence û zulmî bi felsefeya Jin Jiyan Azadî rayra şirê. Ma têna bi rayraşîyayîşî sînordar memanê. Ma nê rayraşîyayîşê xo biçarnê rêxistinîye. Jin Jiyan Azadî felfeseya azadîye ya.

Na çarçewa de ganî her roja ma biba roja têkoşînî. Xora rojê ke bi bedelan kewtî destî muhîm ê la ganî ma bi rojêke sînordar memanê. Ma zorê bidê aqlê camêrdî û camêrdê hegemonîkî bikerê bêtesîr. Ma bi xopawitişî cewabê şîdetê camêrdan bidê. Cinîyê her ca de raştê şîdetî yenê. Înkar şîdet o, çîn hesibnayîş şîdet o, îradeyê ci nêşinasnayîş şîdet o. Ma gamê girdî eşt ê. Nika hemserekîya ma est a, sîstemê ma yê xoser est o, parîya ma est a û hêzê ma yê xopawitişî est o. Her cinîya kurde û heme cinîyî ça de benê wa bibê ganî her roja xo biaçarnê têkoşînêkî. Ma xoverdayîş û têkoşînê xo têna bi rojêke sînordar mekerê. Eke cinîyî rêxistinkerde xorver bidê eşkenê verê qirkerdişan bigîrê.''