Endama Koordînasyonê PAJKî Aytene Dêrsim Bernameyê Taybetî yê Medya Haber TV de rojdem ercna. Qiseykerdişê Aytene Dêrsim ra tayê noqtayê girîngî wina yê:

''Sey PAJKî rojdemê ma yo  esas tim tecrîdê vera Rayberîye yo. Azadîya Rayberîya ma azadîya cinîyan a. Çunke cinîyan bi îdeolojîya xelasa cinîyan a Rayberîye xo şinasna û rêxistin kerd.Coka ma vera tecrîdî têkoşînêkê pîlî kenê. Dewlete seba ke Rayberîye şarê ma û têgerayîşê ma ra dûrî bifiîna nê tecrîdî kena. Sey cinîyan ma eşkenê bi rêxistinîya xurtêre Rayberê xo azad bikerê.

Cinîyî Rayberîye reyde est bîyî. Rayber Apoyî bi Îdeolojîya Xelisnayîşê Cinîyan pare kerd ke cinîyî neteweyêk ê, merdim ê, mîyanê komelî de yê. Rayberîye sebebê estbîyayîşê ma yo. Cinîyan bi felsefeya Rayberîye xo şinasna û rêxistin kerd. Şorişê Rojawanî zî şorişê cinîyan o ke bi na felsefe şikl girewto. Na felsefe ra ewro pêro cinîyê dinya wayîrê Rayber Apoyî vejîyenê û seba ci têkoşîn kenê. Dewlete zî naye ra cinîyan ra hîna zaf nefret kena.

Xopawitiş sîstemê asayîşî yo esas o. Cinîyî bi xopawitişî ganî têkoşînê xo aver berê. Ma vanê 'Xwebûn', ma kenê ke sîstemê serdestîya camêrdan wedarnê û sîstemê konfederalî awan bikerê. Ma sey Têgêrayîşê Azadîye yê Cinîyan ê Kurdan xorêxistinîye esas kerde. Rêxistinîya ma xopawitiş û hêzê ma yo.

Garantîya sîstemê konfederalî hişmenîya xopawitişî û averberdişê rêxistinîye yo. Pêro sîstemê serdestîya camêrdan dişmenê têkoşînanê cinîyan ê. Her rêxistinîya cinîyan zî vera eqlê camêrdan darbe ya. Rayberîye averberdişê têgêrayîşê cinîyan de kerd esas ke ganî cinîyî sîstemê xo yê xoserî awan bikerê. 

Sîstemê konfederalî yê demokratîkî de komunê tax û azadî awan benê, xîret yeno kerdene ke cinîyî meseleyanê xo bi xo çareser bikerê. Ma têkoşînê xo yê 50 serran de resayî a noqta ke cinîyî bi îradeyê xo eşkenê qerar bigêrê. Ma her ca de krîterê temsîlîya têdûşte anê ca. Şorişê Rojawanî de mîsalê ney o tewr zelal est o. Rayberîye tim giranîye daye ke cinîyî hişmend bibê. Cinîya wayîra hişmendîye eşkena heqê dinya ra  bêra.''