Qezaya Kanîreşî ya Çewlîgî de S.E. 3 kênayanê xo reyde maruzê şîdetê mêrdeyê xo Hasan E. bîye. Komîsyonê Cinîyan ê Baroyê Çewlîgî avûkatîya S.E. girewte xo ser. Sereka Komîsyonî Nuarne Aydin da zanayene ke înan hem seba dewaya şîdetî hem zî sena dewaya veradayîşî 2 avûkatî tayîn kerdî.

Sereka Komîsyonê Cinîyan ê Baroyê Çewlîgî Nurane Aydin derheqê mesele de twitterî ser o eşkerayîyêke daye û vat: ''Ma cinîya mexdûre reyde pêvînayîş kerd. Baroyî ci rê di avûkatî tayîn kerdî. Sabrîye waşt domananê xo reyde keyeyê babî û dadîya xo de bimana û nêwaşt ke keyeyê pawitişî de ca biba. Derheqê Hasan E.yî de bira dûrvistişî ameye girewtene. Ma sey baroyî dewa tim teqîb bikerê.''

Hetê bînî ra camêrdo hêrişkaro ke bado ke  dîmenê şîdetî  medyaya sosyale de vila bîyî ame destbendkerdene, serbest ame veradayene.