Qezaya Kercewsî ya Êlihî de selahîyetdaranê dewlete tecawuzê domanêke kerd. Vervatoxa Meclîsê Cinîyan ê HDPyî Ayşe Acar Başaran derheqê tecawuzê Kercewsî de eşkerayîyêke kerde. Başarane Êlih de kombîyayîşêk de qisey kerd.

Qiseykerdişê Başarane ra beşêk wina yo:

''Her roje xebera îstîsmarê domanan dîyena. La ma pê zanenê ke Kurdîstan de polîtîkayêka taybete yena caardene. Verî serebûtê Îpeke Er de çawişo pispor vera dîyabi. Selahîyetdaranê dewlete zî herinda ke Orhan hukm bikerê cinîyî kerdî hedef. Îstîsmarî pê pol^tîkaya bêcezaverdayîşî nimîyenê.

Tecawuzê Kercewsî sebebê îstîfa yo. Embaza ma ya ke Jinnes de xebitîyena û na mesele cigêraye Kercews de ameye gefwerdene. Seba ke komel pê nêhesîyo xebera serebûtî ameye astengkerdene. Înanê ke Musa Orhan vera da êyê ke vat 'Kercews de se beno' hedef kerdî.

Ma tîya ra rena vanê ke ma do nêverdê ke dosyayê şîdet û îstîsmaran ê ke unîformakerdeyî tede yê, bêrê mîyankerdene. Ma vera nê gefan de sereyê xo nêarê war û seba ke faîlî ceza bigêrê bixebitê.

Kurdîstan de na polîtîkaya şerê taybetî ra fel vera bidê. Ma do tecawuzê Kercewsî teqîb bikerê. Ma hîş nêkenê, nêtersenê. Ma do sûcanê şima deşîfre bikerê. Ma venga mexdûranê tecawuzî danê ke şima têna nîyê. Ma estê; HDP û TJA estê, cinîyê têkoşerî estê. Ma do pîya têkoşîn bikerê.''