Vervatoxa Meclîsê Cinîyan ê HDPyî Ayşe Acar Başaran bale ante cinîyanê ke wextê îqtîdarê AKPyî de kişîyayî ser û îfade kerd ke 18 serran de 7 hezar û 500 cinîyî kişîyayî, 100 hezar cinîyî maruzê tacîzî bîyî û vera 200 hezar cinîyan  hêrişê cînsîyî ame kerdene.

Başarane qiseykerdişê xo de bale ante serebûto ke aktîvîsta TJA Rojbîne Çetîn marûza îşkenceyê polîs û leşkeranê tirkan bîye, kişîyayîş û destsernayîşê heqanê cinîyan ser û îfade kerd ke wextê îqtîdarê AKPyî de îşkence, kişîyayîş, destsernayîşê heqanê cinîyan zêdîyayî.

Başarane vat: ''Maya haştîye ya 75 serre Makbûke hewteyê vîyarteyî de ameye destbendkerdene û tepiştene. Cinîyî wexto ke têkoşîn kenê benê hedefê AKPyî.''

Başarane da zanayene ke ê seba ke vengê cinîyan bidê eşnawitene Agirî, Dêrsim, Îstanbul û Aydin de rayîrî ra şorê.