Vervatoxa Meclîsê Cinîyan ê HDPyî Ayşe Başaran Merkezê Pêroyî yê HDPyî de eşkerayîya çapemenîye daye.

Qiseykerdişê Başarane ra beşêk wina yo:
''Tecrîd şexsê Birêz Ocalanî de Îmrali de dest pê kerd û pêro welatî rê vila bi. Tecrîd nê welatî de bi nameyê şerî. Tecrîd welat de bi nameyê  îşkence û çinhesibnayîşê kurdan.

Tepişteyê sîyasîyî vera metodanê îşkenceyî û neheqîya paketa înfazî vengê xo berz kenê. Tepişteyî vanê 'peynîya polîtîkayanê hêrişkeran bîyarê û tecrîd wedarê.' Waştişê tepişteyan waştişê ma û kurdan ê.

Qanûn de madeya xopawitişê meşrûyî esta. Coka ma qebul nêkenê ke cinîyî semedê xopawitişî ra bêrê cezakerdene.

Leyla Guven seba sûco ke qet nêkerdo tepişîyaye. Leyla Gucen semedo ke vera sîstemê serdestîya camêrdan têkoşîn kerdêne ameye hukmkerdene. Wexto ke ma ewnîyenê modelê Rojawanî ma vînenê ke Rojawan de rayberîya cinîyan de komelêko azad, ekolojîl û demokratîk yeno awankerdene.

Ma do serra 2021 de têkoşînê azadîya cinîyan geşêr bikerê. Îqtîdar, krîzê ekonomîkî, tecrîd û Korona ra îstîfade keno. Ma sey cinîyan neçare yê ke destkewteyanê xo bipawê. Ma vera sîyasetê şer û camêrdîye pîya eşkenê cuya azade û ekolojîke ya cinîyan awan bikerê.''