Rêxistina cinîyanê Başûrê Kurdîstanî Koma Wijdanî vizêr Silêmanî de bi wesîleya Roja Têkoşînê Vera Şîdetê Serê Cinîyan çalakîyêke kerde. Endama Kome Sakare Ebdullah nameyê  rêxistine ser eşkerayîye wende.

Eşkerayîye de ame vatene ''Ma seserra 21. de yê û hema zî serdestîya camêrdan zulmê cinîyan kena. Her roje cinîyî maruzê şîdetê manenî. Herêma Kurdîstanî de serewedaritişê 1991î ra nata tewr tay 20 hezar cinîyî bi bahaneyanê cîya-cîyayan kişîyayî.''

Silêmanîye de meydanê Baxê Giştî, Têgêrayîşê Cinîyan ê Azadan ê Kurdîstanî vera şîdet û îşxalî çalakîyêke kerde. Çalakîye de nameyê RJAKî ser o Soma Ferhad qisey kerd û vat: ''Her cayê dinya de cinîyî şîdet vînenê. Herême de zî şîdetê vera cinîyan asta bitehluke de yo. Qanûnî cinîyan nêpawenê.''