9ê çeleyê 2013î de ronayoxa PKKyî Sakîne Cansiz (Sara), Temsîlkara KNKyî ya Parisî Fîdane Dogan (Rojbîne) û Endama Têgêrayîşê Ciwanan Leyla Şaylemez (Ronahî) Paris de ameybî qetilkerdene. Şaristananê Silêmanî, Kerkûk û Kampa Mexmûrî yê Başûrê Kurdîstanî de kurdan Sara, Rojbîne û Ronahî serrgêra Qirkerdişê Parisî de yad kerdî.

Silêmanî

Meclîsê Cinîyan ê Ciwanan ê Têkoşeran (MJCT) Silêmanî de nameyê kuçeyan pê nameyanê 3 cinîyan ê şorişgêran vurnayî.

Kerkûk

Kerkûk de rayberîya Rêxistina Cinîyan ê Azadîwaştoxan ê Kurdîstanî (RJAK) de bi merasîmêkî Sara, Rojbîne û Ronahî ameyî yadkerdene. Merasîm de derheqê 3 cinîyan ê kurdan de sînevîzyonêk ame mojnayene. Merasîm pê sloganê 'Şehîdî Nêmirenî' qedîya.

Mexmûr

Kampa Multecîyan a Şehîd Rûstem Cûdîyî (Mexmûr) de seba şermezarkerdişê Qirkerdişê Parisî rayraşîyayîşêk ame kerdene. Koma grevê vêşanîye yê Mexmûrî zî tewrê rayraşîyayîşî bîye. Çalakîya rayraşîyayîşî pê slogananê 'Bêserek cuye nêbena' û Cinîye, Cuye, Azadîye; 'Sara, Rojbîne, Ronahî' qedîyaye.