Serekê YNKyî Bafil Celal Talabanî ,Serekê Pêroyî yê PDKyî Mesûd Barzanî û Serekê Herêma Federe ya Kurdîstanî Neçirvan Bajrazî  mesaj şawit Newroza amedî.

Mesajê Bafil Talabanî de nê ameyî vatene: ''Newroze semedê kurdan yena manaya xoserîye, newebîyayîşî, yewîye, hemparîye û wayûbiratîye. Ez hêvî kena na Newroze wa bibo wesîleya paştdayîşê dewaya kurdan. Şarê kurdî wayîrê cuya bi anore yo. Ma semedê haştîyêka menîye destê xo bidê yewbînan û semedê serkewtişê Kurdîstanî bixebitê. Ez Newroza şima pîroz kena. Wa no wisar bibo wesîleya haştîye, wayûbiratîye û demokrasîyî.''

Mesûd Barzanî mesajê xo de wina  vat: ''Ez hêvî kena Abdullah Ocalan dewrê kilmî de yeno serbest veradayene. Ma paştî danê prosesê haştîye û çareserî yê Tikrîya. Rayîrê çareserkerdişê probleman haştîye ya. Ez hêvî kena helêke cuwa ver dejê kurdan ê Sûrîye qedîyenê.''

Neçirvan Barzanîyî zî Newroza pêro kurdîstanijan pîroz kerd. Barzanîyî bale ante vengdayîşê Rayber Apoyî ser û kam ke paştî prosesî ci rê spas kerd.  Barzanîyî ard ziwan ke gerek pêro semedê haştîye bixebitê û vat, ''Semedê haştîye ma ra çi bêro waştene, çi bikewo milê ma, ma do bikerê.''