Batûfa Çekdar: Ma do xoverdayîşê xo xurtêr bikerê

Endama Konseya Qerargehî ya YJA-Starî Batûfa Çekdar pare kerd ke hêzê gerîlayanê azadîye esto ke hêrişanê dişmenî bişiknê û vat: ''Ma do xoverdayîşê xo xurtêr û serfîraz bikerê.''

Endama Konseya Qerargehî ya YJA-Starî Batûfa Çekdar derheqê kombîyayîşê Konseya Qerargehî ya YJA-starî de ANFyî rê qisey kerd.

Qiseykerdişê Batûfa Çekdar ra beşêk wina yo:

''Serra 2021î de serkêşîya YJA-Starî de çêrîyêka pîle ameye kerdene. Kombîyayîşê ma pêro rewşê şerî vetî werte. Kombîyayîş de rewşa sîyasî, leşkerî ameyî nîqaşkerdene, analîzê xorinî ameyî kerdene. Tewirê xoverdayîşî yê YJA-Starî, çalakîyê serre ameyî ercnayene û qerarê tarîxî ameyî girewtene. Netîceya înan de seba serra 2022î plansazî ameye kerdene. Proses û pratîkê serra 2021î bi hîrayî ame ercnayene. Pratîkê Vakurê Kurdîstanî ameyî ercnayene.

2022 de ma hedef kenê ke şerê şorişgêrî yê şarî pîl bikerê. Dêrsimî ra heta Botan, Xerzan warê gerîlayan estê. 2021 serrêka tarîxîye bîye. 2021 de hêzanê ma yê YJA-starî zî rayberîya xoverdayîşî kerde. Ma armanc kenê ke do faşîzmê AKP-MHPyî birijnê, plan û hedefanê dişmenî çin bikerê, azadîya Rayber Apoyî bîyarê ca.

Gerîlayê azadîye wayîrê ê hêzî yê ke hêrişanê dişmenî bişiknê. 2021 de ma bedelê giranî, şehîdê çêrî dayî. Hêzanê ma yê YJA-Starî pêro waran dde rolêko pîl girewt xo mil. Nê hetî ra tewirê hêzanê YJA-Starî layîqê ruhê nê wextî, Hemleya Wextê Azadîye yê. YJA-Starî Hemleyanê Cengê Xabûrî de Metîna û Heftanîn de ca girewt. Heftanîn de dişmen 3 serrî yo hêrişanê giranan keno. La gerîlayanê YJA-starî Heftanîn de çalakîyê pîlî kerdî û ney zî moral da pêro gerîlayan. Metîna de zî gerîlayê YJA-Starî bi hawayêkê aktîfî tewrê xoverdayîşî bîyî. Hêzanê ma Herêmanê Pawitişî yê Medya de bi giranî planê dişmenî şikitî. Seba ke îdîaya ma ya azadîye pîl a çalakîyê ma zî benê pîl.

Ma sey YJA-Starî wayîrê Hemleya KJKyî 'Qirkerdişê cinîyan rê nê, wextê pawitişê cinîya azade û komelî yo' vejîyê. Na çarçewe de ma do xoverdayîşê xo xurêr bikerê û serfîraz bikerê. Felsefeya ma ya cuye felsefeya azadîye ya. Felsefeya azadîye zî bêguman do serkewtiş bîyaro. Coka felsefeya ma ya cuye azadî û serkewtiş o.''