Sakîne Cansiz, Fîdane Dogan û Leyla Şaylemez ê ke 2013 de Parîs de ameyî qetilkerdene paytextê Almanya Berlîn de bi aktîvîteyêka biheybete ameyî vîrardene.

Aktîvîteya ke hetê Meclîsê Cinîyan ê DESTDANî, TJK-E û Waqfê Cinîya Azade yê Mîyanneteweyî ra ameye organîzekerdene maya Sakîne Cansiz, Zeynepe Cansiz babîyê ci Îsmaîl Cansiz, babîyê Leyla Şaylemeze Cumali Şaylemez û xeylêk kesî tewrê ci bîyî. Aktîvîteya ke rojnamegere Gulîstane Çîya Îke moderatorîya ci kerde û bi nameyê DESTDANî  Nujîyane Gunay, bi nameyê TJK-E Zeynepe Dersim û bi nameyê Waqfê Cinîya Azade yê Mîyanneteweyî Berîvane Yigit qisey kerd.

Qiseykerdişan de ame vatene ke semedê ma eke yew cuya beno do bi tewirê cuya Sara, Rojbîne û Ronahî bibo. Ma do xeta şehîdanê xo de bi têkoşînê azadîye cezaya qetilkaran bidê. Rojnamegere Gulîstane Çîya Îke zî semedê hîrê cinîyan ê şorişgêran şîîreke wende û vat ruhê Sara, Rojbîne û Ronahî newe ra bîyo zergûn. Rojnameger Gulere Yildiz bi wendişê şîîre, hunermendî Yelda Abasî û Koma Vejîn û Hozan Comerd zî bi deyîranê xo tewrê aktîvîte bîyî.