Platformê Têgêrayîş û Rêxistinanê Cinîyan ê Rojawanê Kurdîstanî Hesekê de, Parka Newroze de derheqê 25ê Teşrîna Peyêne Roja Têkoşînê Şîdetê Vera Cinîyan de eşkerayîyêke daye.

Cinîyan pare kerd ke çalakî û aktîvîteyê 25ê Teşrîna Peyêne Roja Têkoşînê Şîdetê Vera Cinîyan bi şîarê ''Jin, Jiyan, Azadî reyde, xo bipawê'' bêrê kerdene. 

Eşkerayîye de xoverdayîşê Îmraliyî yê Rayber Apoyî ame selamkerdene û venga pêro cinîyan dîya ke wa tewrê aktîvîte û çalakîyan bibê.

Bernameyê 25ê Teşrîna Peyêne Roja Têkoşînê Şîdetê Vera Cinîyan wina yo:

-Derheqê 25ê Teşrîna Peyêne Roja Têkoşînê Şîdetê Vera Cinîyan de semînerî do bêrê dayene.

-Şaristanan de derheqê şîdetê vera cinîyan de sînevîzyonî do bêrê mojnayene.

-Vilawekî do bêrê vilakerdene.

-Derheqê têdûştîya cînsîyetan de perwerdeyî do bêrê dayene.

-Rayraşîyayîşî do bêrê kerdene

-Bi beşdarîya heyetêkê almanan atolye do bêra kerdene.

-Xebatê hashtagî medyaya dîjîtale de do bêrê kerdene.

-Zîyaretê keyeyî do bêrê kerdene.

-Hîlala Zêrîne do kayanê tîyatroyî bimojna.

-Panel û komxebatî do bêrê kerdene.