Goreyê xeberanê çapemenîye mîyanê 24 saetanê peyênan de camêrdan 8 cinîyî qetil kerdî û cinîyêke zî bi giranî birîndar bîye.

Qezaya Pamukkale ya Denîzlî de cinîya afgane Nasîme Gol hetê camêrd Muhammet Esmail Habibî ra ameye qetilkerdene.

Qezaya Alîagayî ya Îzmîrî de cinîye Ozleme Çankaya hetê camêrd Ahmet Çankayayî ra bi kardî ameye qetilkerdene.

Qezaya Çekmekoyî ya Îstanbulî de Emîne Ulku Araz ameye qetilkerdene.

Qezaya Akyaziyî ya Sakarya de Hatune Ekrem Aslan hetê camêrd Alî Riza Aslanî ra ameye qetilkerdene.

Bursa de Tuba Ateşçî hetê camêrd Murad Demîrî ra bi çeke ameye qetilkerdene.

Qezaya Pendîlî ya Îstanbulî de Sevîlaye Karli hetê Umît Karliyî ra ameye qetilkerdene.

Qezaya Samsatî ya Semsûrî de hetê Kasim A. Tunayî ra ameye qetilkerdene.

Adana de cinîye Nurselî K. hetê Oktay D.yî ra şîdet dî û bi giranî birîndar bîye.

Naye ser o Platformê Ma do Verê Kişîyayîşê Cinîyan Bigêrê (KCDP) venga pêro cinîyan da ke wa wurzê we û çalakîyan bikerê.