Endama Konseya Rayberdişî ya KCKyî Emîne Kara (Evîne Goyî), hunermend Mîr Perwer (Mehmet Şîrîn Aydin) û welatperwer Abdurrahman Kizil 23yê kanûne de paytextê Fransa Paris de ameybî qetilkerdene.

Cenazayê hîrê şehîdan erşawîyayî Kurdîstanî.

Cenazaya Evîne Goyî şaristanê Silêmanî yê Başûrê Kurdîstanî de bi merasîmêkê pîlî ameye pêşwazîkerdene. Merasîm Camîya Ehe Sorî de qewimîya û roniştoxê Kampa Mexmûrî, şarê Başûrî û Vakurê Kurdîstanî zî tewrê merasîmî bîyî.

Merasîm de sloganê 'Şehîd namirin' û 'Qesas' ameyî vatene.

Cenazaya Evîne Goyî herêma Qendîlî de, Şehîdgehê Qendîlî de do bêra definkerdene.

Merasîmê Silêmanî de xala Evîne Goyî Medîne Kara qisey kerd û vat: ''Evîne seba çar perçeyanê Kurdîstanî şehîd bîye. Mela na biba şehîda ma ya peyêne. Wa sereyê pêro kurdan weş bo. Wa hînî gonîya çewî nêrijîya.''

Medîne Kara da zanayene ke keyeyê înan 600 şehîdî dayê û peynî de dişmenê kurdan do bin bikewê.