Dewaya ke  hemsereka verên a HDPyî ya Wanî Yadîşane  Karabulak yena hukmkerdene de bi îdîaya endamîya rêxistine ceaya 7 serran û 6 aşman ameye dayene.

Yadîşane Karabulak a ke 10ê êlula 2019î de çarçewa operasyonê qirkerdişê sîyasî de ameye destbenderdene û dima ameye tepiştene 10ê sibate de ameye tehlîyekerdene. Badê vervejîyayîşê serdozgerîye 13ê sibate de reyna ameye destbendkerdene. Roniştişê Karabulake Mehkemeya Cezaya Girane ya 5. ya Wanî de ameye kerdene. Karabulake Zîndanê Wanî ke tede sey rehîne yena tepiştene ra bi sîstemê SEGBİSî tewrê ci bîye. Heyetê mehkeme bi îdîaya endamîya rêxistine cezaya  7 serran û 6 aşman daye Karabulake.