Fîlmo belgekî yê “Lêgerîna Edaletê Ya Dû Dayikan / Cigêrayîşê edaletî yê di dayîkan: Emîne Şenyaşar û Bedrîye Doku” hetê Morî Produksîyonî ra ame weşanayene.

Emîne Şenyaşara ke mêrde û di lajê ci hetê merdimanê Wekîlê AKPyî Îbrahîm Halîl Yildizî ra ameybî qetilkerdene û lajêkê ci zîndan de yeno tepiştene, lajê xo Ferît Şenyaşarî reyde verê Edlîyeya Riha de 9ê adara 2021î ra nata Nobeta Edaletî tepişena. Wendekara Zanîngehê Munzurî Gulîstane Doku Dêrsim de 5ê çeleyê 2020î ameyî vînîkerdene û a roje ra nata tira xebere çîn a. Dayîka Doku Bedrîye Duku zî bi serran o cigêrayîşê edaletî de yê. Têkoşînê edaletî yê nê wird dayîkan sey fîlmê belgekî ame antene.

Fîlmo belgekî yê “Lêgerîna Edaletê Ya Dû Dayikan: Emîne Şenyaşar û Bedrîye Doku” yo ke rejîsorîya ci Morî Produksîyonî ra Reza Bayramî kerde youtebe de ame parekerdene. Fîlmo belgekî yo ke bi nuştişê  “Dû Dayîk Qêrînek ( Di Dayîkî Qerîyêk) dest pê keno 17 deqeyî yo. Fîlm de derheqê têkoşînê Bedrîye Doku û Emîne Şenyaşar de zanayîş yeno dayene. Detayê binpaykerdişê heqanê ke wird dayîkî raşt ameyî yenê ramojnayene.