Rojawanê Kurdîstanî de 19ê temmuza 2012yî de şoriş ame îlankerdene. Cinîyan serkêşîya nê şorişî kerd coka Şorişê Rojawanî heman wextî de sey Şorişê Cinîyan şinasîyeno. Endama Koordînasyonê Kongreya Starî ya Kantonê Firatî Peymane Elûş derheqê babete de qisey kerd.

Peymane hêverî serrgêra Şorişê Rojawanî fîraz kerde û vat: ''Şorişê 19ê Temmuze bi xo gandarbîyayîş, rojêka newîye û tarîxêko newe yo. Kurdîstan de verê cû serewedaritişî bi serkewtişî temam nêbibî. Şorişê Rojawanî keda 50 serran a Rayber Apoyî û koyan bîyo. Têkoşînê ney ser o bingeyê Şorişê Rojawanî erzîya û cinîyî zî bîyî serkêşê nê şorişî. Cinîyî vera sîstemê nîjadperestî û îqtîdaran têkoşîn kerd û no şoriş awan kerd. Ewro felsefeya ma 'Jin, Jiyan, Azadî' pêro dinya rê vila bîya. 

Cinîya kurdan vera pêro zehmetîyan û hêzanê serdestan sere wedarit, Rojawan de şorişêk awan kerde, serkêşîya nê şorişî kerde û peynîya DAÎŞî arde. Cinîyan warê komelî de, mîyanê Şorişê Rojawanî de bi hêzê fikr û felseya Rayber Apoyî xo îsbat kerd. Ewro cinîyê serkêşî hedefê faşîzmî de yê. Çunke cinîyê ma koletî û sîstemê îqtîdarî red kenê. Ma venga cinîyanê çar parçeyanê Kurdîstanî danê ke asta têkoşînî berzêr bikerê û Şorişê Rojawanî tim roşnî bikerê.''