Têgêrayîşê Cinîyan ê Azadan (TJA) bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan Pirdê Dehderî de bi sloganê 'Jin, Jiyan, Azadî' çalakîya bi erbane û meşaleyan kerde.

Çalakîye ra verî polîsan dormeyê Pirdê Dehderî girewt. Rixmê qedexeyê polîsan zî cinîyan sloganê “Jin jiyan azadî” û “Bijî berxwedana jinan” berz kerdî. Cinîyan cilê neteweyîyî dayî xo ra.

Wekîla DEM Partî Adalete Kaya çalakîye de cagirewt. Cinîyan meşaleyî vistî ta û da erbaneyanê xo ro. Her çiqas polîsan bi anonsan vat ke sloganê 'Jin, Jiyan, Azadî' qedexe yo, cinîyan sloganê xo vat.

Adalete Kaya çalakîye de ard ziwan ke ê musayê ke Walîtîya Amedî sloganê 'Jin, Jiyan, Azadî' qedexe kerdo û vat ke ê do na bire nêşinasnê û şermezar bikerê. Adalete ard ziwan ke ê do tim vera şîdet, kiştiş, teda, qedexekerdiş û qeyûman waran de bibê.

Çalakîye bi sloganan qedîyaye.