Koordînasyonê Cinîyan ê Ciwanan ê HDPyî bi şîarê 'Nika ver bi seferberîya more' kampanyayêke daye destpêkerdene. Kampanya verê bînaya HDPyî ya Kadikoyî de bi beşdarîya Wekîla HDPyî Dêrsime Dag dîyaye destpêkerdene.

Dêrsime Dag îfade kerd ke tacîz, tecawuz û qirkerdişê vera cinîyan zêdîyayî û vat: ''Gulîstane Dokuya ke Dêrsim de vînbîyaye ya ra heta Îpeke Era ke Êlih de tecawuzê ci ame kerdene ma seba pêro cinîyan rêxistinbîyayîşê xo zêdîna.''

Dima Koordînasyonê Cinîyan ê Ciwanan ê HDPyî ser o Esengule Çelîk qisey kerd û vat: ''Hîşmendîya serdestîya camêrdan tesîrê pêro cinîyan kena. La ma do qet sereyê xo nêarê war.''