Paytextê Rûsya Moskova de Organîzasyonê Cinîyan ê Kurdan bi wesîleya 25ê Teşrîna Peyêne  Roja Têkoşînê Vera Şîdetê Serê Cinîyan eşkerayîyêke daye çapemenîye.

Cinîyan eşkerayîya xo de bale ante hêrişanê vera cinîyanê Kurdîstanî ser û pare kerd ke îqtîdar û dewletê gemarinî pê şîdet û qirkerdişê cinîyan kenê ke emrê xo zêdêr bikerê. Cinîyan îfade kerd ke seserra 21. do biba seserra cinîyan. Cinîyan hemkarîya PDK û dewleta tirke viste vîrî û ard ziwan ke ê do hem vera şîdetî hem zî vera xeta îxanetî têkoşîn bikerê. Cinîyan tewr peynîya eşkerayîye de venga pêro cinîyanê dinya da ke xo rêxistin bikerê û bi şîarê 'Qirkerdiş û îşxalî rê nê, ma do cinî û cuye bipawê' vejîyê meydanan.