Paytextê Nepalî Katmanduyî de endamê Akademîya Jineolojî û Kongreya Starî panc wekîlanê cinîyan ê Nepalî, akademîsyen, serek û endamanê îdareyê Pekînî de ameyî têhet.

Vervatoxa Karanê Teberî ya Kongreya Starî Rûxoşe Şêxo û Endama Akademîya Jineolojî Necîbe Qeredaxî heyetê Nepalî pêşwazî kerd.

Rûxoşe Şêxo pêvînayîş de qalê Şorişê Rojawanî, cinîyan ê kurdan û tecrîdê vera Rayberê Şarê Kurdî Abdullah Ocalanî kerd. Rûxoşe bale ante hêrişanê dewleta tirke ya îşxalkere ser zî û pare krd ke dewleta îşxalkere tim cinîyan ê serkêşan hedef kena.

Necîbe Qeredaxî qalê jineolojî kerd û vat: ''Jineolojî teyna seba cinîyan ê kurdan ney, seba pêroyê zanistan girîng o.''

Heyetê cinîyanê Nepalî pêvînayîş de kêfweşîya xo pare kerd û heyranîya xo ya seba xoverdayîşê cinîyan ê kurdan arde ziwan.

Heyetê Nepalî zî îfade kerd ke ê do tim tecrîdê Îmraliyî bikerê rojdem û seba cinîyan ê êzidîyanê ke hema zî destê DAÎŞî de yê xebatan bikerê.