Bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan rêxistina Cinîyanê Amara Stockholm de seba cinîyanê têkoşer û xoverdayoxan zîndananê Tirkîya rê mektubî erşawitî. Cinîyan ard ziwan ke bi nê mektuban ê wazenê pare bikerê ke xoverdayîşê tepişteyan ê vera sîstemê îqtîdarî pêro cinîyan nîşan dano.

Çalakîye de ame vatene ke ê wazenê heqanê pêro cinîyan bipawê û vera hêrişanê serê cinîyan her wextî ra zêdêr pê yewî û paştdayîşê cinîyan hewce esto. Çalakîye de ame parekerdene ke xoverdayîşê cinîyan ê tepişteyan do serkewtiş bîyaro.