Cinîyê ke qezaya Licê ya Amedî de ameyî pêser bi kooperatîfêko ke do awan bikê hemleyêka verêne bikê. 2 mengî verê cû 5 cinîyî ameyî pêser û seba ke qey cinîyan warêkê îstîhdamî awan bikê muneqeşayî kerdî. Cinîyan sere de merkezê qeza zaf cayan de cinîyanê bînan reyde têkilîye kerde. Muneqeşayan ra dima cinîyan bire daye ke kooperatîfêkê cinîyan bêro awankerdene.

Cinîyan seba ke kooperatîf bêro awankerdene rîçal, qawirme, turşu, salçe sewzîyê wuşkî amade kerdî. Cinîyan seba kooperatîfî muracato fermî kerd. Kooperarîf qeza de do bibo ê yewîn û nê rojan de do bêro akerdene.Kooperatîf do seba 30 cinîyan warê îstîhdamî abiko. Kooperatîf de kargehê tekstîlî, tentene, deştişî, neqşî zî do bibê û cinîyî do sewzî û meyweyan zî do biroşê.

Sereka Kooperatîfê Cinîyan ê Licê Bedrîye Dolak da zanayene ke ê pêro berheman dewan ra peyda kenê û zaf cinîyan seba ke kooperatîf bêro awankerdene keda xo daye. Dolake vat: "Ma do pîya têbigêrê û ekonomîyê qeza xo aver berê. Qezaya ma seba zîret û hetwandarîye musaîd a. Ma çerçewa kooperatîfî de wazenê ke nê çîyan zî bikê." Dolake ard ziwan ke bi hetkarî û paştdayîşê cinîyan ê do qeza de çîyanê weşan bikê û venga pêro cinîyan da ke paştî bidê înan.