Platformê Çalakîya Hempare yê Têgêrayîş û Rêxistinanê  Cinîyan ê Rojawanî  emser 25ê Teşrîna Peyêne Roja Têkoşînê Vera Şîdetê Serê Cinîyan bi slogana Vera her qeyde îşxal û şîdetî jin, jiyan, azadî verwazî keno.

Platformî vizêr Qamişlo û Reqa de bi eşkerayîya çapemenîye takvîmê xo yê çalakîyan da eşnawitene. Wird eşkerayîyan de zî heme cinîyê ke vera şîdetê camêrdî, faşîzm û îşxalî xover danê, ameyî selamkerdene. Eşkarîyîye de bale ameye antene şîdetê serê cinîyan ser ke herêmanê îşxalkerdeyan ê Sûrîye de ciwîyenê.

Goreyê eşkerayîye çalakî û aktîvîteyê ke do mabênê 13-25ê teşrîna peyêne de bêrê kerdene wina yê:

-14-19ê teşrîna peyêne de komunan, dewan, kampan û dezgehan de do semînerî bêrê kerdene.

- 18ê teşîrna peyêne de Hêzê Xopawitişî yê Cinîyan do heme herêmanê Cizîre de rayraşîyayîş organîze bikero.

 -Vera camêrdan heme waran de do seba 3 rojan dewreyê perwerdeyî bêrê akerdene.

- 24ê teşrîna peyêne de sîteyanê medyaya dîjîtale de do kampanyaya  hashtagî bêro kerdene.

- Heme waranê Rojawanî de do tîyatroyê "Şîdetî rê bes o" bêro ramojnayene.

- Dewa cinîyan (Jinwar) do bêro zîyaretkerdene.

- Derheqê Roja Têkoşînê Vera Şîdetê Serê Cinîyan de do broşurî bêro vilakerdene.

- Cinîyê ciwanî do bisiklet biramî û vera şîdet û îşxalî sloganan bierzî.

- 14ê teşrîna peyêne de do heme Rojawan de hetê Hilala Zêrinî ra pêramotişê fotografan bêrê organîzekerdene.

-Her têgêrayîş û rêxistina cinîyan do goreyê programê xo falîyetanê cîya cîyayan bikero.

-Rojawan de sey kantonan do rayraşîyayîşê komkî bêrê kerdene.