Zîndanê Cinîyan ê Patnosî yê Agirî de tepişteyî Hêlîne Ozdemîr, Rumeysa Bozkurt û Hayrîye Goksu hêverî raştê îşkenceyî ameyî û dima zî ameyî surgunkerdene.

Keyeyan dima ke 6ê çeleyî de zîndan zîyaret kerd xebera surgunî girewte.

Hêlîne, Rumeysa û Hayrîye 18ê kanûne de wextê sereştişê gardîyanan de îşkence dî û înan 19ê kanûne de bi telefonî keyeyanê xo rê qalê îşkenceyî kerd.

Şubeyê agirî yê ÎHDyî 21ê kanûne de heyetêk şawitbi zîndanî û raporêk amade kerdbi.

Hêlîne heyetî rê nê çîyî vatbi: ''50 gardîyanan eşt koxûşê ma ser, înan ma rê şîdet kerd û dima bi kelemçeyanê peykîyan ma eştî hucreyan. Ma raştê heqaretan zî ameyî. Ma wazenê ke zîndanî ser o tehqîqat bêro kerdene û rayaumûmîye têbigêra.''