Meclîsanê Cinîyan ê Kede û Demokrasîyî yê Amedî derheqê destbendkerdişê xeylêk sîyasetmedaran kurdî û aktîvîstan de eşkerayîyêke daye.

Eşkerayîye de bale ameye antene ser ke operasyonê vera dezgehanê sivîlan seranê peyênan de bi hawayêke sîstematîkî yenê kerdene û ame vatene ke  Komeleya Cinîyan a Rosa, Meclîsê Mayanê Haştîye û sîyasetmedarê kurdî falîyetanê eşkera rayra benê bîlasebeb raştê hêrişî yenê.  Eşkerayîye de nê ameyî vatene: ''Dewlete herinda ke şîdetî werte ra wedaro ewro hêrişê cinîyanê  têkoşeran kena ke fîkr û estbîyayîşê înan çîn hesibyeno. Xora yeno zanayene ke badê Roşanê Remezanî qaqnûno ke vernîya zewajê domanan akeno do bêro rojdemê meclîsî. Sey heme dezgehanê cinîyan Komeleya Cinîyan a Rosa zî vera nê qanûnî amedekarîye kena. Çoka nika kerdişê nê operasyonî bale anceno. Bi nê hêrişan azadîya îfede û rêxistinbîyayîşî yeno binpaykerdene.''