Torra Têkoşînê Vera Şîdetê Serê Cinîyan a Amedî derheqê wendekara Unîversîteya Dêrsim Gulîstane Doku ya ke 16 rojî yo vînîbîyaye ya de raporêk amade kerd. Cinîyê ke şîyî Dêrsimî û derheqê babete de cigerayîş kerd raporê xo bi eşkerayîyêke bi rayapêroyî pare kerd.

Roporê de  ame vîrfînayene ke 5 çeleyî ra Gulîstane Doku ra xebere çîn a û nê ameyî parekerdene: ‘‘Cigêrayîş têna îhtîmalê xokiştişî ser ra yeno rayraberdene. Ganî her hetî ra cigêrayîş bêro kerdene. Beno ke ameya kişetene ya zî ameya remnayene û bizor ameye vînîkerdene. Seba ke dewlete hêrişkaran pawena nê hêrişî çend şino zêdîyenê. Bitayetî zî Dêrsim, Şirnex û Colemêrgî de  binê nameyê asayîşî de hêzê dewlete yenê cakerdene. Nê cayan de înfazê bêhukmî, îşkence û hêrişî bêceza netîce benê. Coka herême de binê nameyê polîtîkaya pawitişî de şîdetê vera cinîyan yeno fermîkerdene û heqê bingeyênî yê şarî yenê binpaykerdene. Qewimîyayîşê winayênî bîyî sîstematîk. Seba ke tekîlîya kesê şikdarî bi hêzanê dewlete esta no cipersayîş şikdar o. Ma tîya ra reyna veng danê ke wa cigêrayîşêko raşt bêro kerdene. Ma sey Torra Têkoşînê Vera Şîdetê Serê Cinîyan a Amedî heta vînayîşê Gulîstane Doku do teqîpkarê babete bê.‘‘