Cinîyan ê HDP, TJA û HDPyî semedê şermezarkerdişê tecrîdê serê Rayberê Şarê Kurdî Abdullah Ocalanî  û wayîrvejîyayîşê grevê vêşanîye Meydanê Aksarayî de çalakîyêke organîze kerde.

Polîsan hêrişê cinîyan kerd û cinîyî meydanî ra vetî. Cinîyan ke vera hêrişî hêrsê xo ard ziwan ver bi MATUHAY DERî kewtî rayîr û waşt ke tîya eşkeryîye bidê la polîsan reyna verê înan girewt. Cinîyî narey verbi banê HPDyî yê Fatîhî rayra şîyî û tîya eşkerayîye daye. Rixmo ke polîsan vat ''ma do destûrê eşkerayîya derheqê tecrîdî medê'' Wekîla HDPyî Dersîme Dag eşkerayîye wende.

Dersime Dag vist vîrî ke tecrîd heme welat de yeno rayraberdene û vat semedê qedînayîşê tecrîdî ganî her kes mucadele bikero. Dage bale ante serê ke  vera tecrîd û binpaykerdişê heqan zîndanan de grevê vêşanîye ame destpêkerdene û semedê wayîrvejîyayîşê tepişteyan veng da.

Bado ke çalakîye pê tîlîlî û çapikan qedîyaye polîsan hêrişê çalakwanan kerd û Îdarekarê HDPyî yê Kadikoyî Erkîn Barin Goylulerî destbend kerd.