Rêxistinanê cinîyan ê Rojawanî bi kampanyaya îmzayan paştî daye hemleya Kongreya Starî ya bi şîarê 'Îşxal û qirkerdişî rê nê. Ma pîya cu û cinîyan bipawê.'

Cinîyan ê Mekîsa ke semedê wayîrvejîyayîşê kampanyaya îmzayan resimê cinîyan ê xoverdayoxan Hevrîne Xelef, Zehra Berkel, Hebûne Xelîl û Maye Emîne êyê ke şorişê Rojawanî de hetê çeteyanê DAÎŞî û artêşa tirke a ameyî şehîdkerdene, amade kerdî û notê paştdayîşî nuşt.

Cinîyan vat: ''Qetlkerdişê hemrayanê ma Hevîrne, Zehra, Hebûne û Emîne ramojneno ke faşîzm senî hêrişê cinîyan keno. Sey cinîyî tarîxê ma xoverdayîş o.  Dewletî semedê rayraberdişê îqtîdarê xo cinîyan sey koleyê xo wazenê. Coka cinîyê ke teslîm nêbenê ra tersenê, cinîyan ê azadan ra tersenê. Ma do bi xoverdayîşî peynîya qirkerdişê vera cinîyan bîyarê. Vengdayîşê ma yê pîlkerdişê paştîdayîşê mabênê cinîyan ê vera îşxal û qirkerdişî îmza bikerê! Bêrê ma pêro pîya têkoşînê xo pîlêr bikerê.''