Konferansê Meclîsê Cinîyan ê Ciwanan ê HDP’yî, banê HDP’yî yê Amedî de dest pêkerd. Parlamentera HDP'yî ya Amedî Dersîm Dage, ard ziwan ke ewro bi saya fikir û felsefeyê Ocalanî ê bîyê wayîrê vîrî û parlamenterîye û va: ‘‘Tecrîdê serê Ocalanî tecrîdê serê heme ciwan û cinîyan o. Ma do vera tecrîdî bi hêzê cinîyan û coşê ciwanan xo ver bidê.

Konferansê Meclîsê Cinîyanê Ciwanan ê HDP’yî, bi tewrbîyayîşê seyan endamanê ciwanan salona Vedat Aydinî ya banê HDP’yî de dest pêkerd. Konferans bi rêzgirewtiş û marşê ‘‘Çerxê Şoreşe‘‘ dest pêkerd. Konferans de vernî de bi nameyê meclîsê  dayîkanê aşitîye Songul Tamrişe û Nûra Abaye qisey kerd. Dadiyan vat ke do xoverdayîşê cinîyan tecrîdîê serê Ocalanî bişikino.

Bado zî parlamentera HDP'yî ya Amedî Dersîm Dage vejîyaye sehne û ciwanî silam kerdî. Dersîm Dage, ard ziwan ke ewro bi saya fikir û felsefeyê Ocalanî bîyê wayîrê vîrî û parlamenterîye û va: ‘‘Tecrîdê serê Ocalanî, tecrîdê serê heme ciwan, cinîyan û şarê Kurdî û Tirkîye yo. Eke ewro ma eşkenê bibê sîyasetmedar û parlamenter û ameyê tîya no saya felsefeyê Birêz Ocalanî de yo. Heta ke ma Rayberê xo azad bikê ma do xoverdayîşê xo bidomnê.  Qiseykerdişê Dersîm Dage ra dima ciwanan bêmabên slogananê “Leyla Guvene Rûmeta ma ya”, “Biciwîyo xoverdayîşê zîndanan” qîrîyayî.