Merkezê Îrtîbatî û Çapemenîye yê HPGyî nasnameyê şehîdêkî eşkera kerd. Eşkerayîye wina ya: 

‘’Tunelê Watê Xoverdayîşî yê Girê Amedîyê yê Herêma Şehîd Delîlî ya Rojawanê Zapî vera hêrişanê îşxalî yê artêşa tirke çar serran bi warê xoverdayîşê destanwarî û kela. Xoverdayîşê Girê Amedîyê morê xo da binê tarîxê ma yê têkoşînî ro. No xoverdayîşo tarîxî yo ke fermandaranê ma Delîl Zagros – Cerciş Çaksu, Guvene Doza – Cansele Dursun, Andok Adil – Ramazan Bilal, Ciwan Welat – Fatih Bulut û Armance Azadî – Şehrîbane Alturk awan kerdibi bi fermandarîya embaz Sîdar Armancî dewam kerd.

Embazê ma Fermandar Sîdar Armanc 4ê gulana 2024î de hêrişê dişmenî de şehîd bi. Ma nê fermandarê ma yê Apogîrî bi rêzî yad kenê û soz danê ke mîrasê ey ê xoverdayîşî, destkewteyanê ma, westatîya ey û embazîya ey a raştikêne xo rê bikerê rêber û biresnê serfîrazîye.

Ma sere de keyeyê embaz Sîdar Armancî yê ercîyayeyî rê pêro şarê Serhedî û Kurdîstanî yê welatperwerî rê serweşîye wazenê.

Nasnameyê embazê ma Sîdarî wina yo:
 

Embazê ma Sîdar qezaya Erdîşî ya Wanî de dadîya xo ra beno. O wextê zanîngehî de tewrê xebatanê ciwanan beno, çend reyî yeno destbendkerdene û 2013 de bi qerardarî verê xo dano koyan. Embazê ma Sîdar Metîna de perwerde gêno. Dima o tewrê Hêzanê Taybetan beno. O Qendîl de Dibistana Partîye ya Mazlûm Doganî de perwerde vîneno. Embazê ma Behdînanî ra heta Garê xo ver dano. O wextêkê kilmî de beno fermandarêko serkewte.

2022 de o derbazê Herêma Şehîd Delîlî ya Rojawanê Zapî beno. Embazê ma tunelanê şerî de bi fedayîtî têgêreno. O peyê xo de mîrasêkê têkoşînî yê pîlî ver dano. Ma do armancanê ey bîyarê ca û Kurdîstanê Azadî de vîrameyîşê ey bipawê.’’