Hemsereka HDPyî ya Dêrsimî Nurşate Yeşîl seba 25ê Teşrîna Peyêne Roja Têkoşînê Vera Şîdetê Serê Cinîyan venga pêro cinîyan da ke a roje saete 12:30 de Meydanê Seyîd Rizayî de bêrê pêser.

Yeşîle nameyê Platformê Cinîyan ê Dêrsimî ser o veng da û vat: ''Pêro tarîxî de cinîyê ke têkoşînê azadîye û têdûştîye danê, bîyî hedefê îqtîdaranê hişmendîya camêrdan. Cinîyan zî têkoşînê xo ra fek vera nêda, eqsê ci her roje no têkoşîn geş kerd.

Ma sey Platformê Cinîyan ê Dêrsimî seba ke verê kişîyayîşanê cinîyan bigêrê, peynîya tacîz, tecawuz û kêmkerdişê cezayan bigêrê, polîtîkayanê AKPyî yê vera cinîyan biqedînê, heqan û cuya xo biwazê û seba ke têkoşîn geş bikerê do meydanan de bibê. Ma venga pêro cinîyanê Dêrsimî danê ke 25ê teşrîna peyêne de meydanan de bibê.''